SABINE HUSTEDT


Krüderfru un Seepensederin

Ick weer boorn in een lütten Dörp in de Lüneborger Heid. Dor weer veel Holt un Wischen. Oh, dat weer een bannig grote Freud för mi, dor binnen to speelen. Or eenfach dor binnen to sien. In de Neegde vun de Planten un Bööm. Wo min Fantasie mi wiet wegdrögt hett. Wo ick mit miene Frünnen drömen kunnt.
De Natur weer domols mien egentliche Lehrerin wesen. So weer dat dann ok kloor, dat ich in de Afteek arbeiden do. Se nömen mi dor „Pharmazeutisch-technische Assistentin“. In de Afteek heff ick dann ok lange Johren arbeidet. An´n leevsten much ik dat Handwarklige as Salven rögen, Teedrogen mengeleren und Seep seden. Un dat ist hüüt noch so.
Na de Tied in de Afteeken güng ick dann to´n Universität hin. In Kiel und Brasilien heff ick veel över Meere, Küsten, Natur un Geologie lehrt.
Im Johr 2000 bün ick nah Hamborg umtöögen. Dort heff ick ierst in de Maritime Logistik arbeidet. Un dann weer min lütten Buttje boorn. Mittenmang vun de Öllerntied besök ick andere Institute un Lehrmesters, wo ick Utbillungen to de „Natur- und Umweltpädagogin“ un „Kräuterkundige“ mitmakt un bestunnen heff.
Min Arbeid is inspiriert vun Workshops bi Fred O. Donaldson (Original Play), Joseph Cornell (Sharing Nature, Flow Learning) or Susanne Fischer-Rizzi (Wildniswissen).

Siet 2007 beleve ick mit ünnerscheedlige Gruppen vun junge und oole Lüüd Natur- un Krüder-Avendüer. Un siet Anfang 2010 gifft dat „Kräuter & Seifen - Kräuterschule und Seifenmanufaktur Altona“.

Nu leev ick al tein Johr in Hamborg. Un in disse grote Stadt is de Natur jümmers noch mien Lehrmesterin. Ja, in mien Stadt gifft dat so veel wille Natur! De Natur un ehr Krüder lad uns dagdääglich to niege Avendüer in. Wiel se mit uns up unserem Weg mitkamen wüllt. Se sün jümmers för uns dor. Lat uns mol för een Ogenblick bi jem stahn blieven. Wat vertellen se? Ehr Geschichten köönt wi smecken, hören, ankieken, föhlen un rüken.

Mehr över de Krüderschool vun Anne Hentschel un mir gifft dat hier: www.kraeuterschule-altona.de

Diesen Text gibt es auch auf Hochdeutsch.